Преподобный Сергий Радонежский. Акафист. Канон. Молитвы. Преподобный сергий радонежский Канон и акафист сергию радонежскому

Преподобному Сергию Радонежскому Святому преподобному Сергию Радонежскому молятся о сохранении здоровья и о избавлении от любых болезней, как издавна говорят в народе, молитва святому Сергию – средство от «сорока недугов». День памяти 25 сентября/8 октября Преподобный

Тропарь и молитва преподобному Сергию, игумену Радонежскому, чудотворцу Тропарь, глас 4 Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником; темже и вселися

Акафист преподобному Сергию, игумену Радонежскому, чудотворцу Кондак 1 Возбранный от Царя сил Господа Иисуса, данный России воеводо и чудотворче предивный, преподобне отче Сергие! Прославляюще мы прославльшаго тя славы Господа, благодарственное пение воспеваем ти, ибо

Тропари и молитвы преподобному Сергию Радонежскому, чудотворцу Тропарь, глас 4 (Обретение мощей) Днесь пресветло красуется царствующий град Москва, яко светолучными зарями, молниями чудес твоих осияемь, всю вселенную созывает похвалити тя, Богомудре Сергие; пречестная

Тропарь и молитва преподобному Сергию Радонежскому Тропарь, глас 4 И’же доброде?телей подви?жник, я?ко и?стинный во?ин Христа? Бо?га, на стра?сти вельми? подвиза?лся еси? в жи?зни вре?менней, в пе?ниих, бде?ниих же и поще?ниих о?браз быв тво?им ученико?м: те?мже и всели?ся в тя

Тропарь и молитва преподобному Сергию Радонежскому Тропарь, глас 4 И?же доброде?телей подви?жник, я?ко и?стинный во?ин Христа? Бо?га, на стра?сти вельми? подвиза?лся еси? в жи?зни вре?менней, в пе?ниих, бде?ниих же и поще?ниих о?браз быв твои?м ученико?м: те?мже и всели?ся в тя

Память празднуем 25 сентября (8 октября)

Тропарь, глас 4-й

Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником: темже и вселися в тя Пресвятый Дух, Егоже действием светло украшен еси: но яко имея дерзновение ко Святей Троице, поминай стадо, еже собрал еси мудре, и не забуди, якоже обещался еси, посещая чад твоих, Сергие Преподобне, отче наш.

Иной тропарь, глас 8-й

От юности восприял еси Христа в души твоей, Преподобне, и паче всего возжелел еси мирскаго мятежа уклонитися: мужески в пустыню вселился еси, и чада послушания в ней, плоды смирения возрастил еси. Тем быв Троице вселение, чудесы твоими всех просветил еси, приходящих к тебе с верою, и исцеления всем подая обильно. Отче наш Сергие, моли Христа Бога, да спасет души наша.

Ин тропарь, глас 8-й

В чистоте жития источник слез твоих, исповедания трудовныя поты совокупил еси, и купель духовную источил еси, священный Сергие, Преподобне, омываеши сугубстве творящим любовию память твою, скверны обоямо душевныя и телесныя. Сих ради, чада твоя суще, вопием ти: моли отче, Святую Троицу о душах наших.

Канон, глас 8-й

Песнь 1

Ирмос: Колесницегонителя фараоня погрузи чудотворяй иногда Моисейский жезл, крестообразно поразив, и разделив море, Израиля же беглеца, пешеходца, спасе, песнь Богови воспевающа.

Запев:

Христа нас ради волею смирившагося, даже до рабия образа подражав, возлюбил еси смирение, и зельным бдением и молитвами, душегубныя страсти умертвив, на гору безстрастия возшел еси, Сергие пребогате.

Преподобне наш отче Сергие, моли Бога о нас.

Яко светильник света, твою душу слезными потоки украшая, и другаго Исаака подобно сам себе вознесл еси, Преподобне, и сердце твое Богу пожерл еси.

Слава: Иже во чреве матерни трикраты проглашением, Троицы служитель показался еси, и Трисолнечным светом озаряемь, демонская ополчения яко паучину разорил еси, преблаженне Сергие.

И ныне: Законов кроме естественных родила еси Законодавца Бога и Человека бывша, Того яко блага моли, Всенепорочная, наша беззакония презрети, вопиющих всегда: поим Господу, славно бо прославися.

Песнь 3

Ирмос: Утверждей в начале Небеси разумом и землю на водах основавый, на камени мя, Христе, заповедей Твоих утверди, яко несть свят, паче Тебе, Едине Человеколюбче.

Преподобне наш отче Сергие, моли Бога о нас.

Благих образ тебе дав твоим учеником, и привлек еси многи души во спасение, отлучившихся земнаго пристрастия, иже утешения улучиша райскаго наслаждения.

Преподобне наш отче Сергие, моли Бога о нас.

Яко доброплодная маслина в дому Божии, блаженне, процвел еси, и елеем умащая души, любовию тя поющих, преблаженне Сергие, и верою Христу вопиющих: несть свят паче Тебе, Человеколюбче.

Слава: Страсти душетленныя успил еси бодренными бдении, блаженне: и сих ради в чертог небесный вселился еси, прием Богомудре Сергие, благодать исцелений.

И ныне: Херувимов и Серафимов превышши явилася еси, Богородице: Ты бо едина прияла еси невместимаго Бога во чреве Твоем, нескверная. Темже Тя вси вернии песньми, Чистая, ублажаем.

Господи, помилуй (трижды ).

Седален, глас 4-й

Яко воистинну тленных оставив нестоянное, Христу от души последовал еси, и болезньми и труды и зельным воздержанием, яко безплотен пожив, преблаженне Сергие: моли Христа Бога, спастися душам нашим.

Слава, и ныне: Херувимов и Серафимов превышши еси Богородице, небесе же и земли пространнейши, видимыя твари и невидимыя явилася еси преимущи несосудным сосуждением: Егоже бо пространствия небеса не вмещают, в Твоей утробе вместила еси, Чистая, Егоже моли, спастися рабом Твоим.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча и нашу нищету посетив. Тем с пророком Аввакумом зову Ти: силе Твоей слава, Человеколюбче.

Преподобне наш отче Сергие, моли Бога о нас.

Духа Пресвятаго храм, отче, был еси, и жизненных вод река исполняема, основание непоколебимо Церкве, монашествующих утверждение, Сергие досточудне.

Преподобне наш отче Сергие, моли Бога о нас.

Пророчески слезными каплями на всяк день постелю омочая, Сергие славне, дондеже до конца страстей пучину изсушил еси: темже память твою почитаем, присночестную и священную.

Слава: Лице Христово лицем, Преподобне Сергие, зрети сподобился еси, зерцалом воистинну разрешшимся: сие бо и от мира отлучи тя к возлюбленному желанию.

И ныне: Очищение наших даруй неведений, яко безгрешен, и умири мир твой, Боже, молитвами Рождшия Тя.

Песнь 5

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма окаяннаго? Но обрати мя, и к свету заповедей Твоих пути моя направи, молюся.

Преподобне наш отче Сергие, моли Бога о нас.

В пощениих непреклонен пребыл еси, мудре, и до отшествия своего храня сие опасно, имже сподобился еси яве нетленнаго блаженства.

Преподобне наш отче Сергие, моли Бога о нас.

Остр ум имея к Богу внимати, страсти душетленныя успил еси, отче, и снопы благоплодия пожал еси, питая благочестно восхваляющия тя, Преподобне отче Сергие.

Слава: Светло житие твое, Преподобне Сергие, и известно всем концем явися, и Божественныя доброты исполнено, молитвами же и пощеньми, и любовию, яже ко Христу Человеколюбцу.

И ныне: Тя стену имуще, и заступлением Твоим соблюдаеми, Твоею Божественною славою хвалящеся, Тя ублажаем: Ты бо, Пречистая, душам нашим источаеши веселие и радование.

Песнь 6

Ирмос: Очисти мя, Спасе, многа бо беззакония моя, и из глубины зол возведи, молюся, к Тебе бо возопих, и услыши мя, Боже спасения моего.

Преподобне наш отче Сергие, моли Бога о нас.

Память твою творящим священную, отче, не престай моля Избавителя, даровати согрешений оставление, и Небесное Царство восприяти. Идеже глас празднующих веселит вся.

Преподобне наш отче Сергие, моли Бога о нас.

О Христе укрепляемь, вся коварствия лукаваго, твердым умом, Сергие, якоже сеть расторгнул еси, и пресветло светило миру, отче, показался еси.

Слава: Светом Божественным осияем, и со Ангелы ныне на небесех водворяяся, поминай верою чтущих память твою, Преподобне Сергие приснопамятне.

И ныне: Возвысила еси воистинну падшее человеческое существо, Иже образом Божественным, и Отца равенством, видимым Сыном неизменным, Богомати, без семене во чреве поносивши.

Господи, помилуй (трижды ). Слава и ныне:

Кондак, глас 8-й

Христовою любовию уязвився, Преподобне, и тому невозвратным желанием последовав, всякое наслаждение плотское возненавидел еси, и яко солнце отечеству твоему возсиял еси: тем и Христос даром чудес обогати тя. Поминай нас, чтущих пресветлую память твою, да зовем ти: радуйся, Сергие Богомудре.

Икос

Евангельский глас, отче, услышав, вся оставил еси плотская мудрования, богатство же и славу яко прах вменив, и на страсти яко безплотен подвизався, и безплотных ликостоянием, чести сподобился еси. Разума дарование приял еси, еже и подаждь в песнех поющим ти сице: радуйся, Сергие Преподобне и Богоносе, небесный человече, земный Ангеле. Радуйся, Духа Святаго обитель. Радуйся, молитвами Богоданен дар приемый. Радуйся, яко прежде рождения проглашением прославив Святую Троицу, Яже тя прослави в жизни сей и по смерти. Радуйся, целомудрия столпе, имже всяка страсть попрася. Радуйся, яко от младых ногтей последовал еси Христу. Радуйся, притекающим к тебе спасения ходатай. Радуйся, светильниче многосветлый, возведый ко Христу монахов множества. Радуйся, похвало отечеству твоему. Радуйся, пророчеством украшенный, во еже прорицати яко настоящая будущая. Радуйся, яко молитвами твоими сопротивнии побеждаются. Радуйся, православному воинству нашему похвала и утверждение. Егоже соблюди молитвами твоими от враг ненаветно, да зовем ти: радуйся, Сергие Богомудре.

Песнь 7

Ирмос: Божия снизхождения огнь устыдеся в Вавилоне иногда. Сего ради отроцы в пещи, радованною ногою, яко во цветнице ликующе пояху: благословен еси, Боже отец наших.

Преподобне наш отче Сергие, моли Бога о нас.

В пещи искушений разжжения Божественная благодать ороси тя, Преподобне, и многосветла Троическим желанием показа, зовуща: благословен Бог отец наших.

Преподобне наш отче Сергие, моли Бога о нас.

Мир преобидев, славне Сергие, на земли яко безплотен пожил еси, и ангельским ликостоянием сподобился еси. Тем тя верою почитаем, досточудне.

Слава: В пристанище тихое вшед, Богомудре, житейских плаваний отвергл еси, и волнующимся житейскими спасительное окормление был еси, воспевающим: благословен Бог отец наших.

И ныне: Жезл прорасте, Дево, из корене Иессеева всеблаженный плод, цвет носящи спасительный, верою Сыну Твоему вопиющим: отцев наших Боже благословен еси.

Песнь 8

Ирмос: Седмерицею пещь, халдейский мучитель Богочестивым неистовно разжже, силою же лучшею спасены, сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.

Преподобне наш отче Сергие, моли Бога о нас.

Светоносный твой праздник, преблаженне Сергие, исполни радости и веселия духовнаго, благоухания же и просвещения, тя имущим заступника и правило монашествующим.

Преподобне наш отче Сергие, моли Бога о нас.

Молитвою непрестанною к Богу востекл еси, и оттуду Трисолнечными сиянии озарился еси, на враги борения поставив, приводя постников соборы новым житием, Христу вопиющим: дети благословите, священницы воспойте, людие превозносите Его во веки.

Слава: В пощениих крепкое, в молитвах неленостное терпение в искушениях, Сергие, на земли показал еси, зовый: дети благословите, священницы воспойте, людие превозносите Его во веки.

И ныне: Богородительнице Чистая, души моея язвы греховныя и соблазны очисти, ко источником примешающи, яже из ребр Рождества Твоего, иже от них потекшим струям: к Тебе бо взываю, и к Тебе прибегаю, и Тя призываю, Богоблагодатную.

Песнь 9

Ирмос: Ужасеся о сем Небо, и земли удивишася концы, яко Бог явися человеком плотски и чрево Твое бысть пространнейшее Небес. Тем Тя, Богородицу, Ангелов и человек чиноначалия величают.

Преподобне наш отче Сергие, моли Бога о нас.

Светоявления духовнаго исполнен быв, Преподобне Сергие, светильник сияя издалеча явился еси, словесныя зари нам облистая, и Пребожественныя Троицы жилище показался еси.

Преподобне наш отче Сергие, моли Бога о нас.

Воистинну тя велика учителя, мудре Сергие, Российским странам Христос дарова, неложным правлением правяща отечество свое, и учения сладчайша меда изливающа: ихже яко от окрина и мы, вернии, почерпаем независтно.

Слава: Душетленныя страсти победив, яко пастырь истинный упасл еси словесное Христово стадо, еже выну благодатию Духа яко цветы райския питая, Преподобне.

И ныне: Псалмы Тя воспеваем, Обрадованная, и немолчно Ти, еже радуйся, вопием: Ты бо источила еси всем радование.

Канон преподобному
Сергию Радонежскому

Тропарь, глас 4-й

Ин тропарь, глас 8-й

Ин тропарь, глас 8-й

Канон
Глас 8-й

Запев:

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Господи, помилуй (трижды).
Седален, глас 4-й

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Кондак, глас 8-й

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Преподобне наш отче Сергие, моли Бога о нас.

Молитва первая

Молитва вторая

Молитва третья

Молитва четвертая

Канон преподобному
Сергию Радонежскому

Тропарь, глас 4-й

Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником: темже и вселися в тя Пресвятый Дух, Егоже действием светло украшен еси: но яко имея дерзновение ко Святей Троице, поминай стадо, еже собрал еси мудре, и не забуди, якоже обещался еси, посещая чад твоих, Сергие Преподобне, отче наш.

Ин тропарь, глас 8-й

От юности восприял еси Христа в души твоей, Преподобне, и паче всего возжелел еси мирскаго мятежа уклонитися: мужески в пустыню вселился еси, и чада послушания в ней, плоды смирения возрастил еси. Тем быв Троице вселение, чудесы твоими всех просветил еси, приходящих к тебе с верою, и исцеления всем подая обильно. Отче наш Сергие, моли Христа Бога, да спасет души наша.

Ин тропарь, глас 8-й

В чистоте жития источник слез твоих, исповедания трудовныя поты совокупил еси, и купель духовную источил еси, священный Сергие, Преподобне, омываеши сугубстве творящим любовию память твою, скверны обоямо душевныя и телесныя. Сих ради, чада твоя суще, вопием ти: моли отче, Святую Троицу о душах наших.

Канон
Глас 8-й

Ирмос: Колесницегонителя фараоня погрузи чудотворяй иногда Моисейский жезл, крестообразно поразив, и разделив море, Израиля же беглеца, пешеходца, спасе, песнь Богови воспевающа.

Христа нас ради волею смирившагося, даже до рабия образа подражав, возлюбил еси смирение, и зельным бдением и молитвами, душегубныя страсти умертвив, на гору безстрастия возшел еси, Сергие пребогате.

Преподобне наш отче Сергие, моли Бога о нас.

Яко светильник света, твою душу слезными потоки украшая, и другаго Исаака подобно сам себе вознесл еси, Преподобне, и сердце твое Богу пожерл еси.

Слава: Иже во чреве матерни трикраты проглашением, Троицы служитель показался еси, и Трисолнечным светом озаряемь, демонская ополчения яко паучину разорил еси, преблаженне Сергие.

И ныне: Законов кроме естественных родила еси Законодавца Бога и Человека бывша, Того яко блага моли, Всенепорочная, наша беззакония презрети, вопиющих всегда: поим Господу, славно бо прославися.

Ирмос: Утверждей в начале Небеси разумом и землю на водах основавый, на камени мя, Христе, заповедей Твоих утверди, яко несть свят, паче Тебе, Едине Человеколюбче.

Преподобне наш отче Сергие, моли Бога о нас.

Благих образ тебе дав твоим учеником, и привлек еси многи души во спасение, отлучившихся земнаго пристрастия, иже утешения улучиша райскаго наслаждения.

Преподобне наш отче Сергие, моли Бога о нас.

Яко доброплодная маслина в дому Божии, блаженне, процвел еси, и елеем умащая души, любовию тя поющих, преблаженне Сергие, и верою Христу вопиющих: несть свят паче Тебе, Человеколюбче.

Слава: Страсти душетленныя успил еси бодренными бдении, блаженне: и сих ради в чертог небесный вселился еси, прием Богомудре Сергие, благодать исцелений.

И ныне: Херувимов и Серафимов превышши явилася еси, Богородице: Ты бо едина прияла еси невместимаго Бога во чреве Твоем, нескверная. Темже Тя вси вернии песньми, Чистая, ублажаем.

Господи, помилуй (трижды).
Седален, глас 4-й

Яко воистинну тленных оставив нестоянное, Христу от души последовал еси, и болезньми и труды и зельным воздержанием, яко безплотен пожив, преблаженне Сергие: моли Христа Бога, спастися душам нашим.

Слава, и ныне: Херувимов и Серафимов превышши еси Богородице, небесе же и земли пространнейши, видимыя твари и невидимыя явилася еси преимущи несосудным сосуждением: Егоже бо пространствия небеса не вмещают, в Твоей утробе вместила еси, Чистая, Егоже моли, спастися рабом Твоим.

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча и нашу нищету посетив. Тем с пророком Аввакумом зову Ти: силе Твоей слава, Человеколюбче.

Преподобне наш отче Сергие, моли Бога о нас.

Духа Пресвятаго храм, отче, был еси, и жизненных вод река исполняема, основание непоколебимо Церкве, монашествующих утверждение, Сергие досточудне.

Преподобне наш отче Сергие, моли Бога о нас.

Пророчески слезными каплями на всяк день постелю омочая, Сергие славне, дондеже до конца страстей пучину изсушил еси: темже память твою почитаем, присночестную и священную.

Слава: Лице Христово лицем, Преподобне Сергие, зрети сподобился еси, зерцалом воистинну разрешшимся: сие бо и от мира отлучи тя к возлюбленному желанию.

И ныне: Очищение наших даруй неведений, яко безгрешен, и умири мир твой, Боже, молитвами Рождшия Тя.

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма окаяннаго? Но обрати мя, и к свету заповедей Твоих пути моя направи, молюся.

Преподобне наш отче Сергие, моли Бога о нас.

В пощениих непреклонен пребыл еси, мудре, и до отшествия своего храня сие опасно, имже сподобился еси яве нетленнаго блаженства.

Преподобне наш отче Сергие, моли Бога о нас.

Остр ум имея к Богу внимати, страсти душетленныя успил еси, отче, и снопы благоплодия пожал еси, питая благочестно восхваляющия тя, Преподобне отче Сергие.

Слава: Светло житие твое, Преподобне Сергие, и известно всем концем явися, и Божественныя доброты исполнено, молитвами же и пощеньми, и любовию, яже ко Христу Человеколюбцу.

И ныне: Тя стену имуще, и заступлением Твоим соблюдаеми, Твоею Божественною славою хвалящеся, Тя ублажаем: Ты бо, Пречистая, душам нашим источаеши веселие и радование.

Ирмос: Очисти мя, Спасе, многа бо беззакония моя, и из глубины зол возведи, молюся, к Тебе бо возопих, и услыши мя, Боже спасения моего.

Преподобне наш отче Сергие, моли Бога о нас.

Память твою творящим священную, отче, не престай моля Избавителя, даровати согрешений оставление, и Небесное Царство восприяти. Идеже глас празднующих веселит вся.

Преподобне наш отче Сергие, моли Бога о нас.

О Христе укрепляемь, вся коварствия лукаваго, твердым умом, Сергие, якоже сеть расторгнул еси, и пресветло светило миру, отче, показался еси.

Слава: Светом Божественным осияем, и со Ангелы ныне на небесех водворяяся, поминай верою чтущих память твою, Преподобне Сергие приснопамятне.

И ныне: Возвысила еси воистинну падшее человеческое существо, Иже образом Божественным, и Отца равенством, видимым Сыном неизменным, Богомати, без семене во чреве поносивши.

Господи, помилуй (трижды). Слава и ныне:
Кондак, глас 8-й

Христовою любовию уязвився, Преподобне, и тому невозвратным желанием последовав, всякое наслаждение плотское возненавидел еси, и яко солнце отечеству твоему возсиял еси: тем и Христос даром чудес обогати тя. Поминай нас, чтущих пресветлую память твою, да зовем ти: радуйся, Сергие Богомудре.

Евангельский глас, отче, услышав, вся оставил еси плотская мудрования, богатство же и славу яко прах вменив, и на страсти яко безплотен подвизався, и безплотных ликостоянием, чести сподобился еси. Разума дарование приял еси, еже и подаждь в песнех поющим ти сице: радуйся, Сергие Преподобне и Богоносе, небесный человече, земный Ангеле. Радуйся, Духа Святаго обитель. Радуйся, молитвами Богоданен дар приемый. Радуйся, яко прежде рождения проглашением прославив Святую Троицу, Яже тя прослави в жизни сей и по смерти. Радуйся, целомудрия столпе, имже всяка страсть попрася. Радуйся, яко от младых ногтей последовал еси Христу. Радуйся, притекающим к тебе спасения ходатай. Радуйся, светильниче многосветлый, возведый ко Христу монахов множества. Радуйся, похвало отечеству твоему. Радуйся, пророчеством украшенный, во еже прорицати яко настоящая будущая. Радуйся, яко молитвами твоими сопротивнии побеждаются. Радуйся, православному воинству нашему похвала и утверждение. Егоже соблюди молитвами твоими от враг ненаветно, да зовем ти: радуйся, Сергие Богомудре.

Ирмос: Божия снизхождения огнь устыдеся в Вавилоне иногда. Сего ради отроцы в пещи, радованною ногою, яко во цветнице ликующе пояху: благословен еси, Боже отец наших.

Преподобне наш отче Сергие, моли Бога о нас.

В пещи искушений разжжения Божественная благодать ороси тя, Преподобне, и многосветла Троическим желанием показа, зовуща: благословен Бог отец наших.

Преподобне наш отче Сергие, моли Бога о нас.

Мир преобидев, славне Сергие, на земли яко безплотен пожил еси, и ангельским ликостоянием сподобился еси. Тем тя верою почитаем, досточудне.

Слава: В пристанище тихое вшед, Богомудре, житейских плаваний отвергл еси, и волнующимся житейскими спасительное окормление был еси, воспевающим: благословен Бог отец наших.

И ныне: Жезл прорасте, Дево, из корене Иессеева всеблаженный плод, цвет носящи спасительный, верою Сыну Твоему вопиющим: отцев наших Боже благословен еси.

Ирмос: Седмерицею пещь, халдейский мучитель Богочестивым неистовно разжже, силою же лучшею спасены, сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.

Преподобне наш отче Сергие, моли Бога о нас.

Светоносный твой праздник, преблаженне Сергие, исполни радости и веселия духовнаго, благоухания же и просвещения, тя имущим заступника и правило монашествующим.

Преподобне наш отче Сергие, моли Бога о нас.

Молитвою непрестанною к Богу востекл еси, и оттуду Трисолнечными сиянии озарился еси, на враги борения поставив, приводя постников соборы новым житием, Христу вопиющим: дети благословите, священницы воспойте, людие превозносите Его во веки.

Слава: В пощениих крепкое, в молитвах неленостное терпение в искушениях, Сергие, на земли показал еси, зовый: дети благословите, священницы воспойте, людие превозносите Его во веки.

И ныне: Богородительнице Чистая, души моея язвы греховныя и соблазны очисти, ко источником примешающи, яже из ребр Рождества Твоего, иже от них потекшим струям: к Тебе бо взываю, и к Тебе прибегаю, и Тя призываю, Богоблагодатную.

Ирмос: Ужасеся о сем Небо, и земли удивишася концы, яко Бог явися человеком плотски и чрево Твое бысть пространнейшее Небес. Тем Тя, Богородицу, Ангелов и человек чиноначалия величают.

Преподобне наш отче Сергие, моли Бога о нас.

Светоявления духовнаго исполнен быв, Преподобне Сергие, светильник сияя издалеча явился еси, словесныя зари нам облистая, и Пребожественныя Троицы жилище показался еси.

Преподобне наш отче Сергие, моли Бога о нас.

Воистинну тя велика учителя, мудре Сергие, Российским странам Христос дарова, неложным правлением правяща отечество свое, и учения сладчайша меда изливающа: ихже яко от окрина и мы, вернии, почерпаем независтно.

Слава: Душетленныя страсти победив, яко пастырь истинный упасл еси словесное Христово стадо, еже выну благодатию Духа яко цветы райския питая, Преподобне.

И ныне: Псалмы Тя воспеваем, Обрадованная, и немолчно Ти, еже радуйся, вопием: Ты бо источила еси всем радование.

Молитвы преподобному Сергию Радонежскому чудотворцу

Молитва первая
О священная главо, Преподобне и Богоносне отче наш Сергие, молитвою твоею, и верою, и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и Небесныя Силы приобщивыйся, но и от нас духом любве своея не отступивый и честныя твоя мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыце, моли спасти рабы Его, сущей в тебе благода¬ти Его верующия и к тебе с любовию притекающия. Испроси нам от великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, а от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делах благих преуспеяние и благословение, младенцам воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блажен¬ное упокоение, и вся ны споспешествующими твоими молитвами сподоби в день Страшнаго Суда шуия части избавится, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

Молитва вторая

О священная главо, Преподобне отче, преблаженне Авво Сергие великий! Не забуди убогих своих до конца, но поминай нас во святых своих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Мо¬ли за ны, отче священный, за дети твоя духовныя, яко имея дерзновение к Небесному Царю, не премолчи за ны ко Господу и не презри нас, верою и любовию чтущих тя. Поминай нас, недостойных у Престола Вседержителева и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо и телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый; аще бо и мощей твоих рака пред очами нашима видима есть всегда, но святая твоя душа со ангельскими воинствы, со безплотными лики, с Небесными Силами, у Престола Вседержителя предстоящи, достойно веселится. Ведуще бо тя воистинну и по смерти жива суща, тебе припадаем и тебе молимся, еже молитися о нас Всесильному Богу о пользе душ наших, и испросити время на покаяние, и о невозбранном преитии от земли на Небо, мытарств же горьких, бесов, воздушных князей и вечныя муки избавитися, и Небесному Царствию на¬следником быти со всеми пра¬ведными, от века угодившими Господу нашему Иисусу Христу. Емуже подобает всякая слава, честь и поклонение со Безначаль¬ным Его Отцем, и с Пресвятым, и Благим, и Животворящим Его Духом ныне, и присно, и во веки веков. Аминь.

Молитва третья

О небеснаго гражданине Иеру¬салима, Преподобне отче Сергие! Воззри на нас милостиво и к земли приверженных возведи к высоте небесней. Ты горе, на Небеси; мы на земли, низу, уда¬лены от тебе, не толико местом, елико грехами своими и беззакониями; но к тебе, яко нам сродному, прибегаем и взываем: настави нас ходити путем твоим, вразуми и руководствуй. Свойст¬венно есть тебе, отче наш, благо-утробие и человеколюбие: на зем¬ли живущу, не о своем токмо спасении бысть тебе попечение, но и о всех к тебе притекающих. Наставления твоя быша трость книжника скорописца, на сердце каждаго глаголы жизни начертавающая. Не телесныя токмо вра¬чевал еси болезни, но паче ду¬шевных врач изящный явился еси, и вся твоя святая жизнь бысть зерцало всякия доброде¬тели. Аще толик был еси, святче Божий, на земли: колик ныне еси, на Небеси! Ты днесь пред-стоиши Престолу Света Неприступнаго, и в нем, яко в зерцале, зриши вся наша нужды и про¬шения; ты водворяешися вкупе со Ангелы, о единем грешнице кающемся радующимися. И челове¬колюбие Божие есть неистощимо, и твое к Нему дерзновение много: не престани о нас вопия ко Господу. Испроси предстательством твоим у Всемилостиваго Бо¬га нашего мир Церкви Его, под знамением Креста воинствующей, согласие в вере и единомудрие, суемудрия же и расколов истреб¬ление, утверждение во благих делех, больным исцеление, пе¬чальным утешение, обиженным заступление, бедствующим помощь. Не посрами нас, к тебе с верою притекающих. Аще бо и недостойни есмы толикаго отца и ходатая, но ты, подражатель быв человеколюбия Божия, сотвори ны достойны чрез обращение от злых дел к благому житию. Вся Богопросвещенная Россия, твоими чудесы исполненная и милостя¬ми облагодетельствованная, ис¬поведает тя быти своего покровителя и заступника. Яви древния милости твоя, и ихже отцем вспомоществовал еси, не отрини и нас, чад их, стопами их к тебе шествующих. Веруем, яко духом нам соприсутствуеши. Идеже бо есть Господь, якоже слово Его учит нас, тамо и слуга Его будет. Ты верный еси раб Господень, и Богу везде сущу, ты в Нем еси, и Он в тебе есть, паче же и телом с нами еси. Се нетленныя и живоносныя твоя мощи, яко сокро¬вище безценное, вручи нам чудес Бог. Предстояще им, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благо¬дать и благовременну в нуждах наших помощь. Укрепи нас, мало¬душных, и утверди нас в вере, да несомненно уповаем получити вся благая от благосердия Владыки молитвами твоими. Паству же твою духовную, тобою собранную, не престани управляти жезлом духовныя мудросте: подвизающим¬ся помоги, разслабленныя возстави, споспеши иго Христово несть во благодушии и терпении, и всех нас управи в мире и покая¬нии скончати живот наш и преселитися со упованием в блажен¬ная недра Авраамова, идеже ты радостно по трудех и подвизех ныне почиваеши, прославляя со всеми святыми Бога, в Троице славимаго, Отца, и Сына, и Святого Духа. Аминь.

Молитва четвертая

О преподобне и богоносне отче наш Сергие! Воззри на нас (имена) милостивно и, к земли приверженных, возведи к высоте небесней. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательст¬вом твоим всякий дар всем и коемуждо бла-гопотребен и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уго¬тованное вам Царствие от сложения мира. Аминь.

ирмос: Отверзу уста моя, и наполнятся Духа, и слово отрыгну Царице Матери, и явлюся светло торжествуя, и воспою, радуяся, Тоя чудеса.

Отверзу уста и вещаю глаголы молений моих: спаси мя, преподобне отче Сергие, от пучины злых прегрешений и воздвигни мя на путь заповедей Божиих.

Преподобне отче Сергие моли Бога о мне грешном.

К небесным селением ум вперил еси, светом Божественным осияем, преподобне Сергие, спаси мя от напастей и бед и различных страстей, ты бо еси спасение наше.

Помощниче и упование всех христиан, преподобне Сергие, приглашаю ти с плачем и воздыханием сердечным: угаси суетное и блудное помышление и плотское мудрование.

Ужасошася Небесныя Силы, и удивися всяк ум человечь Рождеству Твоему, яко рождши Творца твари и Содетеля всем нам и Спасение.

ирмос: Твоя песнословцы, Богородице, живый и независтный источниче, лик себе совокупльшия, духовно утверди, в божественней Твоей славе венцев славы сподоби.

Преподобне отче Сергие моли Бога о мне грешном.

Предстателю неусыпаемый, преподобне Сергие, простираю ти душевное око, приими вместо слез глаголы моя, даждь ми страх и умиление и любовь ко всем.

Преподобне отче Сергие моли Бога о мне грешном.

Призри на мя, преподобне Сергие, и спаси обуреваемаго от злых страстей, и отврати от заблуждения, и настави мя на путь спасения.

Слава Отцу и Сыну и Святому Духу.

Преславный и дивный помощниче, не отврати лице свое от мене, уповающаго на тя, тебе бо дана велика благодать от Бога молитися за ны.

Породила еси нам Живота Вечнаго, и Сим просветила еси души христианскаго рода. Молим Тя, Пречистая Владычице, исходатайствуй нам живот вечный.

Даждь ми, преподобне Сергие, молитвами твоими криле богоразумия, да спасуся от неправеднаго и сквернаго жития, но убели мя пресветлою одеждею, юже оскверних тьмою грехов, и вооружи мя на брань и ополчение противу воинства супостат, на тя бо упование возложих, спаси мя.

Слава Отцу и Сыну и Святому Духу, и ныне и присно и во веки веков. Аминь

Пресвятая Дево Богородице, припадаю Ти раболепно, державней Помощнице, и моление Тебе приношу: призри милостивно на смирение души моея и избави мя от напастей и бед, и победи вся враги, борющияся со мною, и спаси души наша.

ирмос: Седяй в славе на Престоле Божества, во облаце леще, прииде Иисус Пребожественный, нетленною душею, и спасе зовущия: слава, Христе, силе Твоей.

Преподобне отче Сергие моли Бога о мне грешном.

Молим тя, преподобне Сергие, сподоби нас в молитвах ясно зрети Солнце Незаходимаго Света, Трисияннаго Божества, и получи спасение.

Преподобне отче Сергие моли Бога о мне грешном.

Утоли, преподобне Сергие, облак уныния ума моего, и отжени от мене вся пути неправедны, и даждь ми свет премудрости и разума, ты бо еси спасение наше.

Слава Отцу и Сыну и Святому Дух.

Твоя пресвятая душа, преподобне, паче солнца сияющи и яко множеством звезд украшена, спаси и просвети очи мои зарею Духа Святаго.

И ныне и присно и во веки веков. Аминь

Услышите моление мое, Небесныя Силы, внушите, вси святии, глаголы моя, молите Христа Бога с Пресвятою Богородицею дати нам совершен исход и спасение душам нашим.

ирмос: Ужасошася всяческая о божественней славе Твоей: Ты бо, неискусобрачная Дево, имела еси во утробе над всеми Бога и родила еси безлетнага Сына, всем воспевающим Тя мир подавающая.

Преподобне отче Сергие моли Бога о мне грешном.

Избави мя, преподобне Сергие, руки змия человекоубийцы, и приими жертву чисту и рук воздеяние; простри длани свои, и исхити мя от уст львовых, и муки вечныя избави мя.

Преподобне отче Сергие моли Бога о мне грешном.

Предстателю наш, преподобне Сергие, не забуди мя в час исхода души моея, и избави мя от воздушных мытарств, сподоби же мя минута вся сети лукавых врагов.

Слава Отцу и Сыну и Святому Духу.

Даждь ми, преподобне Сергие, имети житие чисто и помыслы благи, сохрани мя от грех и от востающих враг, и ловящих нас избави мя, твое бо есмь заблуждшее овча.

И ныне и присно и во веки веков. Аминь

Пресветлое солнце, Мати Господня, из Тебе бо изыде Свет, просвещая души всех, Его же моли, Пресвятая, просвети мя помраченнаго от злых навет вражиих.

ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.

Преподобне отче Сергие моли Бога о мне грешном.

Просвети ми, преподобне Сергие, душевное око, возсияй ми покаяния всесветлую зарю, и введи мя в небесный чертог, от негоже отпадох самовластием злым.

Преподобне отче Сергие моли Бога о мне грешном.

Веси, заступниче мой, яко имам ум непостоянен, тело же страстем приятно и душу грехолюбиву. Исцели мя, преподобне, от сих зол и спаси мя.

Слава Отцу и Сыну и Святому Духу.

Услыши, помощниче, воздыхание и глаголы моя болезненныя, и избави мя всякаго вреда греховнаго, и подаждь ми изобильно токи слез, да угашу пламень греховный.

И ныне и присно и во веки веков. Аминь

Нива пространная, имущи в Себе прекрасный Рай, Цвет благоуханный, от Негоже возрасте сладкий и нетленный Плод, насыщали души изобильным спасением.

КОНДАК: Не имамы иныя надежды и упования, разве тебе, преподобне Сергие, ты еси наш заступник, на тебе надеемся, и тобою хвалимся, и твоею молитвою приемлем от Бога спасение. Со смирением припадаю ти и из глубины душевныя вопию: помози, милосердовав о мне, яко погибаю от множества грехов, и страстей греховных свободи мя, тебе бо тепла помощника имам.

ИКОС: Уничиженную душу мою многими соблазны, ты, преподобне отче наш Сергие, молитвою твоею огради, и помыслы добрыми сердце мое просвети, и низложи зломыслящия ми враги, потщися сих злодействия мя избавити, и разжени облак страстей, и вьшняго невечерняго причастия сподоби молитвами твоими, тебе бо скораго помощника имам.

ирмос: Не послужиша твари богомудрии паче Создавшаго, но, огненное прещение мужески поправше, радовахуся, поюще: препегый отпев Господь и Бог, благословен eси.

Преподобне отче Сергие моли Бога о мне грешном.

Подвигни на помощь, преподобне Сергие, всех Царицу, Пречистую Богородицу, яко да спасет мя от находящих ми зол и скверны греховныя, и твоею молитвою получу спасения путь.

Преподобне отче Сергие моли Бога о мне грешном.

Неотступна бысть, преподобне, обители твоея Пречистая Богородица, якожетебе обещася: сохрани обиталище работающих Господеви и славящих Имя Его, Его же моли избавити мя от напастей злых.

Слава Отцу и Сыну и Святому Духу.

О преподобне Сергие, обуздай мой язык в молчание, и вся внутренняя моя утиши, и управи путь мой в воли Божий, ты бо еси скорый помощник и теплый заступник душ наших.

И ныне и присно и во веки веков. Аминь

Царем Царице, Мати Бога Вышняго, умягчи ми жестокость и непокорство сердечное и неплодие ума моего, и насади виноград заповедей Божиих, и сподоби мя окропляти его теплыми слезами.

ирмос: Отроки благочестивый в пещи Рождество Богородино спасло есть: тогда убо образуемое, ныне же действуемое, вселенную всю воздвизает лета Гебе: Господа пойте, дела, и превозносите Его во вся веки.

Преподобне отче Сергие моли Бога о мне грешном.

Сокруши челюсти, преподобне Сергие, зияющему на мя врагу, влекущему мя в ров погибельный, и очисти помышление мое греховное.

Преподобне отче Сергие моли Бога о мне грешном.

Зеницы очес сердца моего просвети, преподобне Сергие,

и утиши бурю прегрешений моих, да в тишине пребыв, поживу в благочестии и чистоте, и от злых спасуся.

Слава Отцу и Сыну и Святому Духу.

Заблудих, яко овча погибшее, от твоея ограды, на горах погибели взыщи раба твоего, преподобне, и к твоей пастве присовокупи, ты бо еси спасение наше.

И ныне и присно и во веки веков. Аминь

Пресветлое светило, Мати Христа Бога нашего, возсияй в душе моей свет разума, и умоли о мне Сына Своего, Христа Бога нашего, купно с преподобным Сергием, да подаст ми отпущение грехов.

ирмос: Всяк земнородный да взыграется, Духом просвещаем, да торжествует же безплотных умов естество, почитающее священное торжество Богоматере, и да вопиег.радуйся, всеблаженная Богородице, Чистая Приснодево.

Преподобне отче Сергие моли Бога о мне грешном.

Буди ми стена и ограждение, преподобне отче Сергие, от помышлений злых, вопиющих на душу мою и разслабляющих вся уды моя телесныя, сих отжени и далече от мене сотвори, на тебе бо упова душа моя.

Преподобне отче Сергие моли Бога о мне грешном.

Заступниче всех притекающих к тебе с верою, заступи мя от враг видимых и невидимых, да получу конец благий, и спаси мя молитвами твоими, и сподоби деснаго стояния.

Слава Отцу и Сыну и Святому Духу.

Тобою обитель сохраняема, преподобне Сергие, и живущий в ней спасение приемлют, един аз непотребен явихся от лености, исчезает дух во мне, темже влагаю себе во спасение твое, да и аз, грешный, спасуся, и причти мя ко избранному стаду.

И ныне и присно и во веки веков. Аминь

Заступление и покрове, Пресвятая Богородице, всем правоверным Руководительнице, буди Помощница моему спасению и исхити мя от сетей неприязненных, имиже уловлен бываю, разреши узы греховныя и спаси мя.

Молитва ко Преподобному отцу нашему Сергию, Радонежскому чудотворцу.

О пастырю добрый и истинный строителю, светильниче Российския земли, преподобне Сергие, иже присно предстояй Святей Троице, поминай стадо, еже собрал еси, мудре, и соблюдай Богом дарованную ти паству, яко чадолюбивый отец, иже чтущих верою и любовию пречестную и многорадостную память твою защищая и соблюдая от находящих зол и болезней, яко в бедах сущим и в нуждах скорый помощник обретаешися. Тебе бо дана бысть благодать от Спаса Христа молитися за ны, и Помощницу стяжал еси Пречистую Богоматерь, Яже обещася от твоея обители неотступна быти и чада твоя заступати. Сию присно моли за мя, грешнаго и непотребнаго раба твоего (имярек), да отступит от моея немощи дух гордости, уныния, ненависти и зависти, дух отчаяния, буести и всякия злобы, да угаснет во мне всякое разжжение, от диавольских деяний бываемое, и да просветится душа моя и тело Духом Божества и множеством щедрот Его, и да пребывает на мне, молитвами твоими, благость и милость Божия и Пресвятыя Богородицы, и получу благий конец и оставление грехов. Веси бо, преподобне отче Сергие, яко скончавается мое житие, и век мой мимо течет, а страшный Престол готовится, и Судия мене, окаяннаго, ждет, претяй мне мукою и пламенем горящим, и надежди никоея ко спасению не имам, разве тебе, пастыря всеизрядна, могущего уврачевати душевныя и телесныя язвы. Темже молю тя: грехов моих бремя облегчи, и болезни утиши, и бурю злых нападений отыми, и не остави мя до конца погибнути, молитвами твоими, преподобне. Аще бо и до конца грешен есмь, и никтоже ин тако прогнева Создателя своего, Спаса Христа, и Пречистую Богородицу, и Ангела своего хранителя, и в твоей пастве никто ин тако мерзок явися, якоже аз, грешный. Но милость Божия и щедроты Его велики суть, и благость Его неизмерна есть, аз же немощен есмь в молитвах моих. Темже к тебе прибегаю и, припадая, молюся: помяни мя в молитвах своих, имаши бо Помощницу себе, Пречистую Богородицу, и аще хощеши, можеши и мене помиловати, и упросити у Спаса Христа милости и отпущения моим согрешением. Ты бо еси истинный пастырь словесных овец, возврати мя от заблуждения, яко овча погибшее, и настави мя на путь праваго покаяния, и не предаждь мене в радость и в поругание врагу, погибели моея ищущему и от покаяния праваго пути отвращающему. И да укрепит мя молитв ради твоих сильною Своею десницею Христос Бог, и да управит мя и утвердит во вся дни Ему, Создателю своему, работати и хвалитися величеством милости Его, Той бо есть Бог мой, и аз раб Его, и разве Того иного Бога не вем; аще что и согреших, но от Него, Создателя своего, не отступих. Без твоея бо помоши. преподобне Сергие, не могу о себе ничесоже благосотворити, ты мя заступи и помилуй, спящаго мя соблюди, в путех ходящего сохрани, от напастей и бед избави, от враг спаси и сих отжени, да не воюют на мя, от похотей плотских удали, радости спасения сердце мое насыти, душу мою и тело в целомудрии и чистоте соблюди, мысли моя страхом Божиим огради, ты бо еси упование наше и молебник о душах наших. О любезная и священная главо, преподобне Сергие, назирай свыше милостивно и молися Владыде всех, Милостивому и Всещедрому и всех благ Подателю Богу о соблюдении страны нашел и людей православных, да подаст им многолетное здравие, святьш христианския веры в снабдение и утверждение, и сохранит их от всех сопротивных врагов целы и неврежденны всегда, в тишине же и во упокоении, и во умирении всего мира, под Наставником и Правителем, Господем нашим Иисусом Христом во веки. Аминь

Кондак 1

В озбранный от Царя сил, Господа Иисуса, данный России воеводо и чудотворче предивный, преподобне отче Сергие! Прославляюще мы прославльшаго тя славы Господа, благодарственное пение воспеваем ти, ибо молитвами твоими от нашествия иноплеменник и скорбных обстояний нас присно избавляеши, яко имея дерзновение ко Господу, от всяких нас бед свободи, да зовем ти:

Икос 1

А нгелов Творец, предуведевый, по самовластному чистаго сердца твоего изволению, всеусердствующее Его воли исполнение, еще во чреве матерни трикратным возглашением, показа тя миру истиннаго служителя быти Святыя Троицы и научи всех вопити тебе сице:

Радуйся, прежде век, яко имаши верный раб Христов быти, предусмотренный; радуйся, во оноже время во блаженное и небесное жилище предуставленный.

Радуйся, от чрева матерня на службу Небеснаго Царя, яко воин, хотящий верен Ему быти, призванный; радуйся, яко благодатию Божиею оправданный.

Радуйся, не точию России, но и всей вселенней прославленный; радуйся, трикратным твоим во чреве возглашением родителей и всех слышащих удививый.

Радуйся, по рождении своем постное иноческое житие показавый; радуйся, от сосца матерня воздержание чудное явивый.

Радуйся, яко в среду и пяток млека никакоже вкусивый; радуйся, родителей благих добрый и избранный плоде.

Радуйся, радости скорбящим и милости с верою у тебе просящим подателю; радуйся, печалей злых во всяких приключениих отгонителю.

Радуйся, Сергие, скорый помощниче и преславный чудотворче.

Кондак 2

В идящи вся Россия и иныя страны данною тебе, преподобне отче Сергие, благодатию Божиею, с верою к святым твоим мощем приходящим, и скорое вспоможение, и присное преславное чудес творение, удивляются. И мы вси, веселящеся, яко имеем таковаго милостиваго помощника, Прославльшаго тя прославляюще и тя, благаго раба и вернаго слугу Господня, восхваляюще, вопием Ему: Аллилуиа.

Икос 2

Р азум, еще сущу ти во чреве матерни, Святую Троицу прославити Иисус Христос даровавый, и веру крепкую, надежду несумненную, любовь истинную к Нему имети утвердивый, сподоби тя во имя Святыя Троицы преславный храм и обитель чудную устроити, и во ону множество инок собрати. Сего ради вернии научишася воспевати тебе тако:

Радуйся, честное Пресвятыя Троицы носило и похваление; радуйся, добре стадо, тобою собранное, во спасение наставляяй.

Радуйся, честный образе агнцем и пастырем; радуйся, правило веры и образе кротости духовныя.

Радуйся, святыням чистое и непорочное жилище; радуйся, еще при жизни сподобивыйся видети Пресвятую Богородицу со двема апостолома.

Радуйся, удостоивыйся во время совершения литургии сослужения ангельскаго; радуйся, во святую литургию в благодати Божией весь, аки во огни, стоящий.

Радуйся, оным Божественным огнем, в потир вшедым, причастивыйся; радуйся, достоин бывый ангельскаго собеседования.

Радуйся, преисполненный всякия благостыни; радуйся, чистоты душевныя и телесныя усердный хранителю.

Радуйся, Сергие, скорый помощниче и преславный чудотворче.

Кондак 3

С илою, данною ти свыше, будущая, яко настоящая, созерцая, возвещал еси и великому князю Димитрию о победе многочисленных прегордых агарян, хотящих Россию огнем и мечем опустошити, прорекл еси, и от своего иноческаго лика двух монахов на противных в помощь дал еси, и молитвою твоею святою к Богу вопия, на агаряны победу сотворил еси. За еже тя прославляюще и о таковой же твоей на сопротивных православному воинству помощи просяще, Богу вопием: Аллилуиа.

Икос 3

И муще помышление родителие твои и людие о трикратном твоем во чреве матернем в церкви глашении и удивльшеся, разумеша нечто преславное и чудное быти: и по сих уведевше твое радостное рождение, радовахуся и радостная тебе приношаху, глаголюще:

Радуйся, отроча добродушевное и благонадежное; радуйся, детище, всякия благодати Божия исполненное.

Радуйся, пречудное в младенчестве постничество нам являяй; радуйся, оным многих приводяй во удивление и увеселяяй.

Радуйся, яко с тобою всегда бе благодать Господня; радуйся, от юности твоея всем сердцем и мыслию Бога возлюбивый.

Радуйся, кротость, смирение и бдение имевый; радуйся, вся мира сего красная, яко скоро исчезающая, презревый.

Радуйся, вся плотския похоти Бога ради умертвивый; радуйся, многообразныя козни лукаваго силою Божиею победивый.

Радуйся, многия люди от греховнаго пути ко Господу обративый и спасый; радуйся, яко тобою сладостей духовных исполняемся.

Радуйся, Сергие, скорый помощниче и преславный чудотворче.

Кондак 4

Б ури жития мира сего, присно внутренними и внешними злострадании волнующагося, преподобне отче Сергие, избавився, пришел еси во пристанище немятежное небесное, на места злачна и прохладна, идеже потоцы сладости неисповедимыя, пища славы Божия нетленная, пения и гласы празднующих. Тамо почиваеши и веселишися, со всеми ангельскими силами поя Богу: Аллилуиа.

Икос 4

С лышаша, преподобне отче Сергие, ближнии и дальнии ангелоподобное твое житие и благодати чудес струю выну текущую, яко молитвою твоею прокаженнии очищаются, слепии прозирают, хромии ходят и разноообразных недуг с верою притекающии здравие улучают, сих избавльшеся, вопияху к тебе таковая:

Радуйся, мироварнице, на вся недуги врачевание подавающая; радуйся, безмездно паче естества врачу скоромилостивый.

Радуйся, милости превеликия и скорбным сострадания сокровище; радуйся, всеусерднаго о людех промышления приятелище.

Радуйся, душу свою за человеки положити готовый; радуйся, увеселение и отрада к тебе прибегающим.

Радуйся, мертвеца преславно молитвою твоею ожививый; радуйся, оскудение монастырское в пищи исполнивый.

Радуйся, в сусе месте поток водный тещи у Бога испросивый; радуйся, яко таяжде вода, молитвою твоею исцеляющи недуги, чудодействует.

Радуйся, чудес пучино, Богом излиянная; радуйся, желаемых благ пришедшим к тебе подателю.

Радуйся, Сергие, скорый помощниче и преславный чудотворче.

Кондак 5

Б оготечная пресветлая звезда явился еси, преподобне отче Сергие, небо церковное украшаяй и всех блудящих по морю страстнаго жития сего данною тебе от Солнца Правды Христа Иисуса, истиннаго Бога, благодатию озаряяй, мрак печалей и мглу всяких недуг и скорбей прогоняяй, наставляеши всех к тебе с верою притекающих на путь спасенный, к вечному Небесному Отечеству ведущий, поющих Богу: Аллилуиа.

Икос 5

В идев преподобный Сергий, яко в мире сем всяческая суета и тлению причастна, потщася вседушно Превечному Богу благоугодити, и воистину не вотще потрудися: премени бо тленная на нетленная, наипаче же предстояния сподобися у страшнаго Престола Владычня в славе вечней. Темже вопием ему:

Радуйся, яко идеже Христос в телеси, таможде и ты пребываеши; радуйся, тамо, яко в зерцале, в Бозе вся Ему любезная созерцаеши.

Радуйся, яко созерцая в Нем молящихся ти о помощи, молитвою твоею им полезная ходатайствуеши; радуйся, скорый помощниче призывающим тя во бранех православным.

Радуйся, молитвою твоею Российстей стране победы на противныя подаваяй; радуйся, скорбящим скоропредстательный утешителю.

Радуйся, немощей телесных и душевных немздоприемный исцелителю; радуйся, многая чудеса благодатию Духа Святаго содеваяй.

Радуйся, хромым хождение и слепым прозрение подаваяй; радуйся, грозд винный, питающий нас и веселящий.

Радуйся, розго Христа лозы истинныя, мног плод в пособие православным творящая; радуйся, благий рабе и верный, и добрый делателю винограда Христова.

Радуйся, Сергие, скорый помощниче и преславный чудотворче.

Кондак 6

П роповедует держава Российская, богомудре Сергие, труды твоя и болезни, бдение же и сухоядение, ради душевнаго твоего спасения подъятыя, егоже ради прослави тя Господь славою Своею Божественною. Темже, яко рай насажденный, в Церкви явился еси, имущи древо жизни Самаго Господа, от Негоже вкусившии вся скоро гибнущая в мире сем презирают и радостно в прекрасный виноград вышний входят, идеже ты, предстоя Ему, вопиеши: Аллилуиа.

Икос 6

В озсия Церкви и стране нашей Российстей просвещение совершенных твоих добродетелей, преподобне отче Сергие, о нихже благодаряще Отца Небеснаго, давшаго тебе толикую благодать величия Своего, к тебе, яко к теплому о нас молитвеннику, радостная воспеваем тако:

Радуйся, ангельское житие нам являяй; радуйся, страсти греховныя уставляяй.

Радуйся, образе истиннаго смирения; радуйся, зерцало совершеннаго терпения.

Радуйся, наставниче великий спасению; радуйся, приводяй грешных ко исправлению.

Радуйся, известный исполнителю заповедей Христовых; радуйся, душ немощных исцеление.

Радуйся, милостыню творити научаяй; радуйся, ризы и брашна немощным подавати повелеваяй.

Радуйся, пустынниче, мирскую честь и богатство возненавидевый; радуйся, постниче, от юности Богу послуживый.

Радуйся, Сергие, скорый помощниче и преславный чудотворче.

Кондак 7

Х отя избран дом Духу Святому себе сотворити, потщался еси тесным и прискорбным путем, ведущим в жизнь вечную, взем на рамо свое Крест Христов, шествовати, еже благодатию Божиею от юности твоея непорочно в творениих заповедей Господних совершив, достигл еси уготованнаго тебе в небесном всевеселом пребывании воздаяния, и тамо благодарственно поеши Богу: Аллилуиа.

Икос 7

Н овую благодать показа всех Творец и Владыка тебе, богомудре Сергие: аще бо и умерл еси на земли плотию, но душею в вышнем селении всегда жив сый, многая и преславная чудеса в мире живущим людем действуеши, и теплым твоим ходатайством пособствуеши, вопиющим к тебе таковая:

Радуйся, девственниче душею и телом; радуйся, иноком наставниче предивный.

Радуйся, душ наших радование; радуйся, быстрое нищим услышание.

Радуйся, скорбящим приятное попечение; радуйся, чистоты усердный хранителю.

Радуйся, ненадежным надеяние; радуйся, всея России увеселение.

Радуйся, древо чудоточное рая Иисусова; радуйся, крине райскаго прозябения.

Радуйся, миро Христова благоухания; радуйся, яко тобою приносится радование.

Радуйся, Сергие, скорый помощниче и преславный чудотворче.

Кондак 8

С транное и преславное чудо является притекающим к тебе, богомудре Сергие: ибо данною тебе Божиею благодатию с верою просящим немедленно от всяких многообразных телесных и душевных скорбей исцеляеши, от бед избавляеши, от напастей охраняеши, и всем всяко благополезное прошение исполняеши, и вопиеши Богу: Аллилуиа.

Икос 8

В есь еси, преподобне отче Сергие, в вышних, но и нижних не оставляеши: присно со Христом Царем Вечным царствуеши и нас, грешных и недостойных, пред Ним воспоминаеши, моляся о спасении нашем. Темже от усердия нашего вопием к тебе сице:

Радуйся, оставльший имение и возлюбивый нищету Христову; радуйся, достигший к неистощимому богатству.

Радуйся, Духу Святому подклонивыйся со всяким смирением; радуйся, воине Христов непобедимый явльшийся.

Радуйся, крилома богомыслия сети вражия сокрушивый; радуйся, смирением возвышаемый, в вечныя кровы возлетевый.

Радуйся, просвещенный внутрь благодатию; радуйся, истребивый страстей мглу душевредную.

Радуйся, в подвизех дневных и нощных течение совершивый; радуйся, в невечернем дни Царствия Божия присно почиваяй.

Радуйся, тамо снедения пищи разумныя сподобльшийся; радуйся, яко того блаженства от Бога вечно удостоивыйся.

Радуйся, Сергие, скорый помощниче и преславный чудотворче.

Кондак 9

В сякое естество ангельское удивися великому свыше тебе дарованию, яко на земли невещественное житие показал еси, и во плоти, аки безплотен, явился еси. Сего ради многих чудес творения от Господа прием, чистою и боголюбезною душею твоею Того благостию к Небесным причтен еси силам, в Небесех ныне поеши всесильному Богу: Аллилуиа.

Икос 9

В итии многовещаннии недоумеют достойно славити тя, достойный всякия славы, славне преподобне отче Сергие, ибо пачеестественная многая преславная чудодействия, еще жив сущь, показал еси, но и по смерти тая благодатию Божиею творити не престаеши. Мы же, любовию понуждаеми, дерзаем пети тебе сице:

Радуйся, земный ангеле и небесный человече; радуйся, во плоти живый духовно, на земли небесно.

Радуйся, в человечестве пребываяй ангельски, в мире премирно; радуйся, душевныма твоима очима выну Господа созерцавый.

Радуйся, пред лицем Божиим, яко раб пред Господем, ходивый; радуйся, пред Оным, яко сын пред Отцем, яко ученик пред Учителем, шествовавый.

Радуйся, яко воин пред Воеводою готов сый вся повеленная Им творити; радуйся, добрый стада своего иночествующих наставниче и правителю.

Радуйся, шествовавый от силы в силу, дондеже явися тебе Бог богов в Сионе; радуйся, Единаго Господа возлюбивый и к Нему очеса своя выну имевый.

Радуйся, во вся дни живота своего Его искавый и в Нем намерение полагавый; радуйся, ничесого на Небеси и на земли, разве Христа Иисуса, видети желавый.

Радуйся, Сергие, скорый помощниче и преславный чудотворче.

Кондак 10

С пасти хотя душу твою, в юности возраста своего отреклся еси воли своея и во знамение отсечения ея постригл еси власы главы своея, и был еси монах, покоривый себе воли Божией и начальником, от Него поставленным, ихже веления тако слушал еси, яко Самаго Господа, никогда же прекословя, но слову веления исполнением дела отвещавая. Всяческая же приключения благодарно, яко верный раб, от Господа приимал еси, Емуже на Небесех предстоя, ныне вопиеши: Аллилуиа.

Икос 10

С тена еси всем человеком, к заступлению твоему прибегающим, преподобне богомудре Сергие. Темже и нам, к тебе приходящим и милостиваго твоего во всяких нуждах заступления у Царя Небеснаго просящим, буди стена крепкая и ограждение непреоборимое, от всяких нас бед и напастей застеняя и ограждая, за еже мы вопием тебе таковая:

Радуйся, воине Царя Небеснаго, не обязавыйся куплями житейскими, да Ему угоден будеши; радуйся, не восхотевый двема господинома, Богу и миру, работати, но Единому Богу точию.

Радуйся, от юности на тело свое, на мир сей и диавола вооруживыйся; радуйся, постом, поклоны, стоянием на молитве, бдением умертвивый плоть свою.

Радуйся, умертвивый оную прежде, нежели она жива страстем бяше; радуйся, мертву содеявый гортань противу приимания сластей.

Радуйся, мертв сотворивый язык противу глаголания скверных, клеветных и ложных; радуйся, мертвы устроивый ушеса противу слышания душевредных.

Радуйся, мертвы содеявый руце противу грабления и всяких зол творения; радуйся, мертво сотворивый чрево противу объядения и пиянства.

Радуйся, мертва соделавый трудами чресла своя противу нечистоты; радуйся, мертвы сотворивый нозе противу течения в путь грешников и на совет нечестивых.

Радуйся, Сергие, скорый помощниче и преславный чудотворче.

Кондак 11

П ение благодарственное благотворителю Христу Иисусу, тя, преподобне отче, прославляюще, вси православнии взывают, яко даровал ти многих чудес силу творения: слепыя просвещати, прокаженныя очищати, больныя врачевати, бесныя от демонскаго дручения свобождати, толико сильне, якоже и не у приведенным к тебе бывшим бесным, еще на пути демони от них отбегаху и ктому не возвращахуся, боящеся в тебе силы Божия, юже выну в Небесех прославляя, вопиеши Богу: Аллилуиа.

Икос 11

С ветозарное светило в православной Российстей державе и во всей вселенней благодатию немерцающаго Солнца, Христа Иисуса, просвещающею возсиявшее, зрим тя, богомудре отче: с невещественными бо в вышних предстоя Престолу Троицы Пресвятыя, радости превеликия исполнен еси и Божественными лучами Трисолнечнаго Света осияваемь, облистаеши верныя, вопиющия к тебе таковая:

Радуйся, возшедый на гору превысоку добродетелей Божественных; радуйся, яко от тоя удобь возшел еси на гору небесную.

Радуйся, яко от обители земныя во обитель небесную водворился еси; радуйся, яко восходя тамо душею, нам мощи твоя святыя оставил еси.

Радуйся, яко мощи твоя исцелевают всякия скорби и болезни; радуйся, яко мощей твоих демони трепещут.

Радуйся, яко твоя мощи комуждо в приключшихся печалех бывают увеселение; радуйся, душею востекий в Сион Горний к Царю Небесному.

Радуйся, яко тамо предстоя, о всех к Нему тепле ходатайствуеши; радуйся, яко благоутробие Его о всех чтущих память твою умилостивляеши.

Радуйся, стране нашей на противных победу молитвою твоею содеваеши; радуйся, всем верным всякое прошение во их пользу исполняеши.

Радуйся, Сергие, скорый помощниче и преславный чудотворче.

Кондак 12

Б лагодать, данную ти от Бога, сведуще, тебе, приснаго нашего милостиваго отца, прилежно просим: пролей ныне теплую твою молитву о нас, грешных, ко Господу, яко да презрев вся наша согрешения, дарует победы на враги, яко царю Константину на Максентиа, яко Давиду на Голиафа; державу Российскую да укрепит, Церковь Свою Святую от распрей и расколов непозыблему да сохранит, обилие всяких плодов земли да дарует и вся православныя христианы да спасет и помилует, чесого от Него твоими молитвами улучити ожидающе, вопием Ему: Аллилуиа.

Икос 12

П оюще дивнаго во святых Своих Царя Небеснаго, прославльшаго тя, вернаго Своего раба, преподобнаго отца Сергия, милостивое твое, скорое нам во всяких нуждах и печалех поможение прославляем, ибо в тебе в Троице прославляемый Бог наш преславным многим чудодействием дивно прославися, о чесом удивляющеся вопием к тебе сице:

Радуйся, великославный Российский наш заступниче, отче Сергие; радуйся, совершенный в добродетелех человече.

Радуйся, дивный подражателю совершенства Отца нашего Небеснаго; радуйся, преблагий и добрый наставниче иноков.

Радуйся, образе пустынножителей и устроителю общаго жития; радуйся, всех православных скорый помощниче и заступниче.

Радуйся, Царя Небеснаго и Бога известный умилостивителю; радуйся, многажды заступлением твоим прошения предваряяй.

Радуйся, покрове, Богом зданный, имже покрываются мнози; радуйся, ленивых подвигнувый твоими христоподражательными нравы.

Радуйся, доброзрачное света евангельскаго всесветлое сияние; радуйся, Трисолнечнаго Святыя Троицы света выну просвещающее озарение.

Радуйся, Сергие, скорый помощниче и преславный чудотворче.

Кондак 13

О чудотворче преславный и заступниче всем нам во всяких бедах и скорбех скорый и пречудный, богомудре отче Сергие! Нынешнее наше приими приношение и богоприятным твоим ходатайством умоли Господа сил силу свыше православному нашему воинству на сопротивныя подати, и нам всем, Того благодатию очистившимся, от геены избавитися, и грядущая в Небесех благая улучити, вопиющим Ему: Аллилуиа.

Этот кондак читается трижды, затем 1й икос «Ангелов Творец…» и 1й кондак «Возбранный от Царя сил…».

Молитва первая

О священная главо, преподобне и Богоносне отче наш Сергие, молитвою твоею, и верою, и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и небесныя силы приобщивыйся, но и от нас духом любве своея не отступивый, и честныя твоя мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от Великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делах благих преуспеяние и благословение, младенцем воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение, и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам царствие от сложения мира. Аминь.

Молитва вторая

О священная главо, преподобне отче, преблаженне авво Сергие великий! Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати чад своих. Моли за ны, отче священный, за дети своя духовныя, яко имея дерзновение к Небесному Царю, не премолчи за ны ко Господу и не презри нас, верою и любовию чтущих тя. Поминай нас, недостойных, у престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо и телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый; аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с Небесными силами, у престола Вседержителя предстоящи, достойно веселится. Ведуще бо тя воистину и по смерти жива суща, тебе припадаем и тебе молимся, еже молитися о нас Всесильному Богу о пользе душ наших, и испросити время на покаяние, и о невозбранном преитии от земли на Небо, мытарств же горьких, бесов, воздушных князей и вечныя муки избавится, и Небесному Царствию наследником быти со всеми праведными, от века угодившими Господу нашему Иисусу Христу, Емуже подобает всякая слава, честь и поклонение со Безначальным Его Отцем и с Пресвятым, и Благим, и Животворящим Его Духом ныне, и присно, и во веки веков. Аминь.

Молитва третья

О Небеснаго гражданине Иерусалима, преподобне отче Сергие! Воззри на нас милостиво и к земли приверженных возведи к высоте Небесней. Ты горе на Небеси; мы, на земли низу, удалены от тебе не толико местом, елико грехами своими и беззакониями; но к тебе, яко нам сродному, прибегаем и взываем: настави нас ходити путем твоим, вразуми и руководствуй. Свойственно есть тебе, отче наш, благоутробие и человеколюбие: на земли живущу, не о своем токмо спасении бысть тебе попечение, но и о всех к тебе притекающих. Наставления твоя быша тростию книжника скорописца, на сердце каждаго глаголы жизни начертавающаго. Не телесныя токмо врачевал еси болезни, но паче душевных врач изящный явился еси; и вся твоя святая жизнь бысть зерцалом всякия добродетели. Аще толик был еси, святче Божий, на земли, колик ныне еси, на Небеси! Ты днесь предстоиши Престолу Света Неприступнаго и в нем, яко в зерцале, зриши вся наша нужды и прошения; ты водворяешися вкупе со Ангелы, о едином грешнице кающемся радующимися. И человеколюбие Божие есть неистощимо, и твое к Нему дерзновение много, не престани о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Аще бо и недостойни есмы толикаго отца и ходатая, но ты, быв подражатель человеколюбия Божия, сотвори нас достойны чрез обращение от злых дел к благому житию. Вся богопросвещенная Россия, твоими чудесы исполненная и милостями облагодетельствованная, исповедует тя быти своего покровителя и заступника. Яви древния милости твоя и ихже отцем спомоществовал еси, не отрини и нас, чад их, стопами их к тебе шествующих. Веруем, яко духом нам соприсутствуеши. Идеже бо есть Господь, якоже слово Его учит нас, тамо и слуга Его будет. Ты верный еси раб Господень, и Богу везде сущу, ты в Нем еси, и Он в тебе есть, паче же и телом с нами еси. Се нетленныя и живоносныя твоя мощи, яко сокровище безценное, вручи нам чудес Бог. Предстояще им, яко тебе живу сушу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременну в нуждах наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. Паству же твою духовную, тобою собранную, не престани управляти жезлом духовныя мудрости: подвизающимся помози, разслабленных возстави, споспеши иго Христово нести во благодушии и терпении и всех нас управи в мире и покаянии скончати живот наш и преселитися со упованием в блаженная недра Авраамова, идеже ты радостно по трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа. Аминь.

Канон на обретение мощей преподобнаго Сергия, игумена Радонежскаго

Песнь 1

Ирмос: П ределил есть пучину чермную Бог, фараона погрузивый в ней, провед Моисея немокренно в пустыню и одождив манну в снедь людем израилевым, яко силен.

С ветом Твоего трисолнечнаго Божества, Содетелю мой, просвети помраченныя очи души моея, молю Ти ся, и очисти сердце мое, да возмогу пети обретение честных мощей преподобнаго Сергия, Твоего рачителя.

Д аждь ми слово, Слове Божий, во отверзение уст моих, и уясни ми язык, Милостиве, и не поминай грехов моих множества, да, Твоею благодатию наставляемь, возмогу пети преподобнаго Твоего Сергия.

Я коже во чреве матерни проглашением Троицу проповедал еси, тако и Та прослави тя: како на многа лета сокровены землею честныя мощи твоя нетленны обретошася, благоухания вкупе же и чудес верных исполняюще.

Богородичен: П речистая Владычице, Небесных сил превышшая, порождшая Спаса, всех Содетеля, единосущна Отцу и Духу, даждь нам слово, Препетая, яко да возможем пети Тя, сущую Заступницу рода нашего.

Песнь 3

Ирмос: Д а не хвалится мудр, хваляйся, но о сем, еже разумевати, яко несть свят, яко Бог наш, возносяй рог наш, даяй крепость царем нашим.

К реста Господня силою укрепляяся, страсти душевныя и плотское мудрование духу покорил еси, и сего ради Духу Пресвятому прекрасная обитель быв и нераздельныя Троицы избранно покоище.

Ж итием твоим, еже в мире сем, образ быв всем, от души Христу поработившимся, чистотою же, яко солнце, просиял еси и сего ради стократное воздание от руку Вседержителя приял еси, Богомудре Сергие. Темже тя радостно ублажаем.

П риидите, снидемся в настоящее ныне торжество, узрим, и радости исполнимся, и Христа да прославим, тако прославляюща Его прославляющих, и нам стену необориму и чудес подателя даровавшаго, Богоблаженнаго Сергия.

Богородичен: Б лагодарение, вкупе же и пение, Богомати, радуйся, приносим Ти, яко родила еси плотию Бога Вседержителя, твердую Предстательницу Тебе христианом даровавшаго.

Седален, глас 8

Ж итейское море преплыл еси многим воздержанием и пристал еси в тихое пристанище, в Небесныя обители, яко звезда светозарна, сияеши и, яко солнце незаходимое, молниями чудес твоих вселенную всю просвещаеши и озаряеши стада ученик твоих, всем верным даруеши грехов прощение, и жития исправление, и еже на сопротивныя одоление, яко да, радостно обстояще честную и многоцелебную раку, любезно лобызаем святыя мощи твоя и, яко отцу чадолюбиву, вопием ти: Богомудре и преблаженне отче Сергие, моли Святую Троицу, Ейже в житии сем поработал еси, грехов оставление даровати чтущим любовию обретение честных мощей твоих.

Песнь 4

Ирмос: Н ебеса добродетель Твоя покрыла есть, и земля исполнися славы Твоея, Христе. Темже верно вопием: слава силе Твоей, Господи.

О т утробы матерни Богу прилепился еси, блаженне отче Сергие, и зачало мудрости—страх Божий в сердцы твоем имел еси, корень и основание всех благих, нищету духовную возлюбив. Сего ради Владыка Христос чудесы обогатил тя есть.

Я ко крин благовонный, от земных недр издашася честныя мощи твоя, преблаженне Сергие, и, яко сокровище, чудес зарю испущают, веселяще духовная чада твоя.

Д несь радуется царствующий град Москва, и веселия исполняется вся вселенная, честная же обитель твоя, Богоблаженне Сергие, хвалящися, украшается, имеющи в себе честныя мощи твоя, яко сокровище неоскудное и пречудное.

Богородичен: Д ево Господоименитая и Царице всея твари, многими пророки пронареченная, рождшая Царя Небесных сил, даждь, Госпоже, победу на враги воинству нашему и Царствия Небеснаго всех нас сподоби молитвами Твоими.

Песнь 5

Ирмос: Ч асть моя еси, Господи, и слава лица моего: Ты бо мя из тьмы неведения един избавил еси Богоразумием. И Тебе молюся, Христе: даруй рабу Твоему мир, яко Человеколюбец.

Я же в Троице Бога нашего Святая Церковь и дивная вправду светло красуется, всенародное множество духовне радуется, зряще тя, Богомудре Сергие, рукама архиерея Божия честно вземлема и на плещу священных носима.

П осещения ради Богоматере радости исполнився, свет был еси стаду твоему и наставник новому Израилю, преводя нас, отче, от земли к Небесным обителем, идеже ныне наслаждаешися неизреченныя светлости.

М атерня утроба освятися честным зачатием твоим, славный же град Ростов просветися рождеством твоим, великая же твоя и многославная обитель прославися подвиги твоими, вся же вселенная наполнися чудес твоих, преподобне отче Сергие.

Богородичен: М ати Божия Пречистая, твердая Заступнице на Тя надеющимся, покрове и страж граду нашему, и необоримая стено святей обители сей, и оружие спасения отечеству нашему, спаси всех, благочестно покланяющихся святому образу Твоему.

Песнь 6

Ирмос: Д а не погрузит мене буря водная, ниже пожрет мене глубина, отвержен бо есмь во глубины сердца морскаго зол моих. Тем зову, яко Иона: да взыдет от тли зол живот мой к Тебе, Боже.

О т младаго возраста, отче Сергие, Христа возлюбив и Сего живоносным стопам последуя, мира всего избегл еси и достигл еси в незаходимый свет разума, идеже ныне дерзновенно Святей Троице предстоиши, Юже о всех нас умоли.

У дивишася во плоти житию твоему Безплотнии чинове, и устрашишася бесовская полчища от Бога данныя тебе на них победы; мы же прославляем тя, преподобне Сергие, обстояще раку честных мощей твоих, и величаем Христа, чудесы тя прославльшаго.

И же любовию и чистою верою чтущим честное и славное обретение святых мощей твоих и празднующим светло священную память твою, отче преблаженне Сергие, молитвами твоими всем полезная испроси.

Богородичен: Б ез семене во чреве Твоем заченши Творца всех и Спасителя, Богомати Владычице, и рождши плотию Христа Бога, Егоже молитвами Твоими милостива нам сотвори, и да сподобимся вси явления Его и Царствия.

Кондак, глас 8

Д несь, яко солнце пресветло, возсиявше от земли, честныя мощи твоя нетленны обретошася, яко благоуханный цвет, множеством чудес сияюще, и всем верным источающе различная исцеления, и веселяще избранное твое стадо, еже мудре собрав, добре паствил еси. О нихже и ныне Троице предстоиши, моляся, и воинству победительная на враги даровати, да вси вопием ти: радуйся, Сергие Богомудре.

Икос

С ущая в мире преобидев, премирная и нетленная селения, отче Богомудре, стяжал еси и, независтными дарми от Вседержительныя десницы по числу добродетелей обогатився и венцем почести, яко победитель, венчався, чудесы всех обогащаеши, поющих ти сице: радуйся, Богоблаженне Сергие. Радуйся, иже прежде рождения твоего трикраты проглашением прославивый Святую Троицу. Радуйся, яко от младенства твоего избранный сосуд быв Пресвятому Духу. Радуйся, мирскую красоту и славу, яко уметы, вменил еси. Радуйся, яко вселивыйся в пустыню. Радуйся, яко град, сию сотворил еси. Радуйся, яко в ней храм пречестен в похвалу Святыя Троицы воздвигнувый. Радуйся, яко славну и превелику обитель в славу Божию создал еси. Радуйся, яко в ней множества монашествующих собрав, Господеви привел еси. Радуйся, яко милостиваго посещения Богоматере сподобился еси, Тоя бо во плоти, яко Ангел, послужив. Радуйся, яко Господеви молишися о чтущих обретение честных мощей твоих. Радуйся, народу нашему оружие спасения и победитель на враги, егоже соблюдай выну и здрава и весела, да вси твое обретение светло празднуем, радостно вопиюще: радуйся, Сергие Богомудре.

Песнь 7

Ирмос: Н е предаждь нас до конца Имене Твоего ради, и не разори завета Твоего, и не отстави милости Твоея от нас, Господи Боже отец наших, препетый во веки.

Б ожиим хранением соблюдено бысть честное тело твое, Богомудре Сергие, многими леты землею покровено, цело и ничимже вредимо изыде. Мы же, чада твоя, сие зряще, радостно вопием: благословен Бог отец наших.

В еселия ризою облечеся, радости венцем венчася честная глава твоя, светло вниде в Небесный чертог Царя Христа, почесть приемля трудов твоих, поя Господеви: благословен Бог отец наших.

С ветлым житием твоим сияя, чудне Сергие, в жизни сей, безплотных чины достигл еси, ныне же с ними ликуеши у престола всех Бога, проси грехов оставление даровати совершающим любовию память обретения честных мощей твоих.

Богородичен: П ростри моление, Пречистая Дево Владычице, к рождшемуся из Тебе Богу нашему, и Тобою Адама наздавшему, и наше естество обновившу, да вси вопием Ти: благословен, Пречистая, Плод чрева Твоего.

Песнь 8

Ирмос: В сяческая, Владыко, премудростию Твоею составил еси, земли же паки утвердил еси, якоже веси, дно, основанием водрузивый на водах безмерных. Тем вси вопием, воспевающе: благословите, дела Господня, непрестанно Господа.

В еселится днесь Церковь Божия, яко царскою порфирою одевающися, честная же обитель твоя, Богоблаженне отче Сергие, яко многоценно сокровище, имущи честное тело твое, различна исцеления подавающе всем, верно поющим: благословите, вся дела Господня, непрестанно Господа.

С ветом небесным просвещается храм Божий, и в нем благочестивых собори радуются, видяще тя, Богоблаженне отче Сергие, архиерейскима рукама носима и от всех верных покланяема, Христу вопиющих: благословите, вся дела Господня, непрестанно Господа.

С Небесными воинствы ныне Троице предстоя и с лики всех святых водворяяся, верно почитающим память твою грехов прощение испроси, и светло празднующим обретение честных мощей твоих спасение нам даруй, да, радующеся, поем: благословите, вся дела Господня, непрестанно Господа.

Богородичен: П ревечный во чреве Твоем, Дево Чистая, зачинается и совершенный Бог, иже из Тебе, Неискусобрачныя Отроковицы, Младенец плотию родився, совершен Бог и Человек человеки видится, сопрестолен сый Отцу и Духу: Егоже превозносим во веки.

Песнь 9

Ирмос: М оисей на горе неопалимую купину виде, Иосиф в вертепе неизреченное рождество слыша, Нескверная Дево, Безмужная Мати, песньми Тя, Богородице, величаем.

В зятся к высоте Небесней добродетельми, Богомудре отче Сергие, и в веселии сердца предстоиши престолу Святыя Троицы, не забуди чад твоих, совершенно здравие и дивну победу даруй на враги воинству нашему, да вси тя песньми непрестанно величаем.

П реславная память твоя, Богоносе, паче луч солнечных верныя просвещает, благочестно тя почитающия, и верою и любовию покланяющияся раце честных мощей твоих, и в песнех поющия тя, Богомудре Сергие.

Р укою моею недостойною и любовию сердечною приносимое тебе малое моление приими, Богоблаженне отче Сергие, душам нашим спасение, и телесем здравие, и миру смирение молитвами твоими даруй, да тя множае в песнех величаем.

Богородичен: О Дево Владычице Всепетая, Мати Христа Бога нашего, спаси вся, на Тя надеющияся, и к Твоему заступлению притекающия, и благочестно Тя, сущую Богородицу, в песнех величающия.

Светилен

Д несь сошедшеся, Небесная со земными радуются, и верных совокупления со священными, вкупе же и монахи, веселия духовнаго и даров чудес твоих исполняются, преподобне Сергие, в твое обретение, славяще Господа.